سوال

ہمارے گھر میں بہت زیادہ پریشانیاں ہیں۔ اس صورتحال میں کچھ تعویذ استعمال کیے جا رہے ہیں جن میں سورہ فاتحہ، آیۃ الکرسی کے علاوہ بھی بہت کچھ لکھا ہوا ہے۔ بعض تعویذ ہندسوں اور خانوں کی صورت میں ہوتے ہیں۔ کچھ تعویذ دروازے پر لٹکانے کے لیے ہیں اور کچھ کو پانی میں ڈال کر پینے کے لیے کہا جاتا ہے۔ کیا یہ شرک کے زمرے میں آتا ہے؟ جب کہ فتاویٰ برکاتیہ میں تعویذ وغیرہ کو جائز لکھا گیا ہے؟

جواب

الحمد لله، والصلاة والسلام علىٰ رسول الله، أما بعد!

اللہ تعالیٰ سے دعا ہے کہ:

✿ وہ آپ کی تمام پریشانیوں کو دور فرمائے۔

✿ آپ کے گھریلو حالات کی اصلاح فرمائے۔

تعویذ گنڈوں کا شرعی حکم:

✿ رسول اللہ ﷺ سے تعویذ گنڈے ثابت نہیں ہیں۔

✿ البتہ دم (پھونک مار کر پڑھنا)، جب تک وہ شرک یا کفر پر مبنی نہ ہو، رسول اللہ ﷺ سے ثابت ہے۔

روحانی علاج کی مسنون صورتیں:

آپ کے لیے مندرجہ ذیل امور اپنانا زیادہ بہتر اور نفع مند ہوں گے:

✿ گھر میں سورہ بقرہ کی کثرت سے تلاوت کیا کریں۔

✿ نمازوں کے بعد، رات کے وقت اور سوتے وقت:

❀ سورہ اخلاص

❀ سورہ فلق

❀ سورہ ناس

پابندی سے پڑھا کریں۔

ان شاء اللہ تعالیٰ اس کا آپ کو بہت زیادہ فائدہ ہوگا۔

صبح کی روحانی پریکٹس:

✿ ہر صبح کم از کم 100 مرتبہ درج ذیل کلمہ پڑھا کریں:

’’لاَ اِلٰہَ اِلاَّ اﷲُ وَحْدَہُ لاَ شَرِیْکَ لَہُ لَہُ الْمُلْکُ وَلَہُ الْحَمْدُ وَہُوَ عَلٰی کُلِّ شَیْئٍ قَدِیْر‘‘

ان شاء اللہ تعالیٰ آپ شیطانی اثرات سے محفوظ رہیں گے۔

تاریخ: ۸/۳/۱۴۱۷هـ