بچے پر روزہ کب فرض ہوگا ؟

سوال:

بچے پر روزہ کب فرض ہوگا ؟

جواب:

جب اس میں بلوغت کی کوئی نشانی ظاہر ہو جائے یا پندرہ سال کا ہو جائے ۔
❀ امام ابن منذر رحمہ اللہ (319 ھ) فرماتے ہیں:
الاحتلام والإنبات واستعمال خمس عشرة سنة حد للبلوغ، الذى يجب على الرجال والنساء، بوجود أى واحدة من هذه الخصال كان موجودة، الفرائض والحدود، وفي المرأة خصلة رابعة تجب بوجودها فيها عليها الفرائض، وهى الحيض، وقد أجمع أهل العلم على أن بوجود الحيض فى المرأة تجب الفرائض .
”احتلام، زیرناف بال اور پندرہ سال عمر مرد اور عورت کی بلوغت کی نشانی ہے، ان میں سے جو بھی علامت پائی جائے، فرائض و حدود کو واجب کر دے گی۔ البتہ عورت کی چوتھی علامت بلوغ ماہواری ہے۔ اہل علم کا اجماع ہے کہ عورت کو ماہواری آئے ، تو اس پر فرائض کی ادائیگی واجب ہو جاتی ہے۔“
(الأوسط في السنن والإجماع والاختلاف : 388/4)