سوال

برائلر مرغیوں کی خوراک میں پروٹین کے حصول کے لیے بلیک سولجر فلائی کے لاروا (ابتدائی کیڑا) کو جدید طریقوں سے تیار کرکے استعمال کیا جاتا ہے۔ کیا اس عمل میں کوئی شرعی قباحت ہے؟

جواب از فضیلۃ الشیخ عبد الوکیل ناصر حفظہ اللہ

اس معاملے میں شرعاً کوئی قباحت نہیں ہے کیونکہ:

جانور حلال و حرام کا مکلف نہیں:

• جانوروں کو ان کی خوراک کے حوالے سے شرعی احکام کا پابند نہیں کیا گیا ہے۔
• اگر کوئی جانور قدرتی طور پر حرام چیزیں کھاتا ہے تو اس کی حلت پر کوئی فرق نہیں پڑتا۔
• گھریلو پالتو جانور یا برائلر مرغیوں کو بھی قدرتی طور پر یہی چیزیں کھانے کی عادت ہوتی ہے، چاہے ہم انہیں بادام یا پستے دیں یا نہ دیں۔

اختلاف کی وجہ:

لوگوں میں اختلاف کی بنیادی وجہ اس مسئلے کو سمجھنے میں غلطی ہے۔ جب جانور حرام اشیاء کے مکلف ہی نہیں تو ان کے ذریعے حاصل ہونے والا گوشت یا دیگر مصنوعات حلال رہتی ہیں۔

خلاصہ:

• بلیک سولجر فلائی کے لاروا کو برائلر مرغیوں کی خوراک میں بطور پروٹین استعمال کرنا شرعاً جائز ہے اور اس میں کوئی قباحت نہیں۔