ایک یا دو منٹ خاموش رہنا سوگ ہے یا نہیں؟

سوال :

کسی کے مرنے پر ایک منٹ یا اس سے زیادہ عرصہ خاموش رہنے کی شرعی حیثیت کیا ہے؟ کیا یہ سوگ کا صحیح طریقہ ہے؟

جواب :

لوگوں کا مذکورہ طریقہ کسی دلیل سے ثابت نہیں، البتہ اگر کوئی آدمی کسی کی موت کا سن کر اچانک صدمے میں آجائے تو وہ الگ مسئلہ ہے، فطرتی طور پر ایسا ہو جاتا ہے، جب کسی انتہائی عزیز کی موت کی خبر ملتی ہے تو ایک دم سکتہ طاری ہو جاتا ہے، انسان منہ سے کچھ بول نہیں سکتا، لیکن کسی کی وفات کی خبر سن کر درخواست کر کے اور ایک یا دو تین منٹ کی خاموشی اختیار کرنا، یہ کوئی سوگ کا طریقہ نہیں ہے۔