سوال
اگر طالبات کی دینی تعلیم اور تدریس کا انتظام مسجد میں کیا گیا ہو، تو کیا تعلیم دینے والی خاتون اپنے ’’ایام خاص‘‘ کے دوران مسجد میں بیٹھ کر تدریس جاری رکھ سکتی ہے؟
اگر ایسا ممکن نہ ہو تو اس شرعی عذر کی بنا پر ہر ماہ تقریباً ایک ہفتہ طالبات کو چھٹی دینا پڑے گی۔
یہ بھی یاد رہے کہ مسجد کی گیلری ہی کو مدرسہ بنایا گیا ہے، جہاں خواتین جمعہ کی نماز بھی ادا کرتی ہیں۔ تقریباً ایک سو طالبات کو مسجد سے باہر کسی اور جگہ منتقل کرنا ممکن نہیں ہے۔
برائے مہربانی کوئی قابلِ عمل حل بیان فرما دیں۔
جواب
الحمد لله، والصلاة والسلام علىٰ رسول الله، أما بعد!
تعلیم دینے والی خاتون اپنے ایام خاص کے دوران مسجد میں بیٹھ کر تدریس جاری نہیں رکھ سکتی، کیونکہ ان ایام میں اس کا مسجد میں داخل ہونا شرعاً ممنوع ہے۔
لہٰذا، ان دنوں تدریس کے لیے مسجد کے علاوہ کسی اور جگہ کا انتظام کیا جائے۔
ھذا ما عندي والله أعلم بالصواب