سوال

بعض اوقات ہمیں اپنا حق لینے کے لیے رشوت دینا پڑتی ہے، اس کا کیا حکم ہے؟

جواب

الحمد لله، والصلاة والسلام علىٰ رسول الله، أما بعد!

رشوت بہرحال اپنی اصل میں رشوت ہی ہوتی ہے، اور شریعت میں رشوت دینا اور لینا دونوں ناجائز اور حرام ہیں۔ تاہم، ایک مخصوص صورت ایسی ہے جس میں مال دینا رشوت کہلانے کے دائرے میں نہیں آتا:

❀ اگر کوئی شخص اپنا جائز اور شرعی حق لینے کے لیے مجبوراً کسی کو مال دیتا ہے تاکہ اس کا حق اسے واپس مل جائے،
❀ اور وہ یہ مال ظلم کروانے یا کسی اور کا حق دبانے کے لیے نہیں بلکہ اپنا حق لینے کے لیے دیتا ہے،
❀ تو یہ مال دینا ایسی رشوت میں شامل نہیں جس کی ممانعت سختی سے کی گئی ہے،
❀ یعنی یہ وہ رشوت نہیں جو ظلم کروانے یا ناجائز فائدہ اٹھانے کے لیے دی جاتی ہے۔

لہٰذا اس صورت میں مال دینے والے پر گناہ نہیں، بلکہ گناہ اور وبال اس پر ہے جو رشوت لے کر کسی کو اس کا حق دیتا ہے، کیونکہ وہ ایک ناجائز طریقے سے اپنی خدمت بیچ رہا ہے۔

ھذا ما عندي والله أعلم بالصواب