ائمہ جرح و تعدیل میں امام یحییٰ بن معین (ت 233ھ) کو بے مثال مقام حاصل ہے۔ ان کے اقوال کو محدثین کے ہاں بڑی اہمیت دی جاتی ہے۔ امام ابو حنیفہؒ اور ان کے تلامذہ و اصحاب کے بارے میں بھی ابن معین سے متعدد اقوال منقول ہیں۔ ان میں کہیں ابو حنیفہؒ کو حدیث میں ضعیف کہا، اور کہیں ان کے بعض شاگردوں کو کذاب، زندیق یا ضعیف قرار دیا۔ اس مضمون میں انہی اقوال کو اصل مراجع سے ذکر کیا گیا ہے تاکہ واضح ہو کہ کیوں امام یحییٰ بن معین نے فرمایا تھا کہ محدثین ابو حنیفہؒ اور ان کے اصحاب کو روایت کے باب میں نظرانداز کرتے تھے۔

[نوٹ: امام یحییٰ بن معین سے امام ابو حنیفہ کی توثیق ثابت نہیں، تفصیل اس مضمون میں]

امام ابو حنیفہؒ کے بارے اقوال

① عمومی قول

عربی عبارت:
عَبَّاسُ بْنُ مُحَمَّدٍ الدُّورِيُّ قَالَ: سَمِعْتُ يَحْيَى بْنَ مَعِينٍ يَقُولُ:
«أَصْحَابُنَا يُفْرِطُونَ فِي أَبِي حَنِيفَةَ وَأَصْحَابِهِ»
فَقِيلَ لَهُ: أَكَانَ أَبُو حَنِيفَةَ يَكْذِبُ؟
فَقَالَ: «كَانَ أَنْبَلَ مِنْ ذَلِكَ».
حوالہ: جامع بيان العلم وفضله

ترجمہ: عباس بن محمد الدوری کہتے ہیں کہ میں نے یحییٰ بن معین کو یہ فرماتے ہوئے سنا:
“ہمارے اصحاب (محدثین) ابو حنیفہ اور ان کے ساتھیوں کے بارے میں (روایت کے باب میں) بہت سختی کرتے ہیں۔”
پوچھا گیا: کیا ابو حنیفہ جھوٹ بولتے تھے؟
فرمایا: “وہ اس سے بہت بلند تھے۔”

وضاحت:
یہاں ابن معین نے تسلیم کیا کہ محدثین ابو حنیفہ اور ان کے ساتھیوں کو نظرانداز کرتے تھے، مگر ساتھ یہ بھی کہا کہ ابو حنیفہ جھوٹ کے الزام سے بری ہیں۔

② ابو حنیفہ پر کلام

عربی عبارت:
سَمِعْتُ يَحْيَى بْنَ مَعِينٍ، وَسُئِلَ عَنْ أَبِي حَنِيفَةَ، فَقَالَ:
«كَانَ يُضَعَّفُ فِي الحَدِيث».
حوالہ: تاريخ بغداد

ترجمہ: محمد بن عثمان بن أبي شيبہ کہتے ہیں: میں نے یحییٰ بن معین سے ابو حنیفہ کے بارے میں پوچھا تو فرمایا:
“وہ حدیث میں ضعیف تھے۔”

وضاحت:
یہ کلام حدیثی روایت کے باب میں ہے، یعنی فقہ میں ان کا مقام اور ہے لیکن روایتِ حدیث کے لحاظ سے ان پر تضعیف کی گئی۔

ابو حنیفہؒ کے تلامذہ و اصحاب سے متعلق

① محمد بن الحسن الشيباني

عربی عبارت:
مُحَمَّدُ بْنُ الْحَسَنِ صَاحِبُ أَبِي حَنِيفَةَ … سَمِعْتُ يَحْيَى بْنَ مَعِينٍ، يَقُولُ:
«مُحَمَّدٌ جَهْمِيٌّ كَذَّابٌ».
حوالہ: الضعفاء الكبير للعقيلي (1606)

ترجمہ: محمد بن حسن شیبانی (صاحبِ ابو حنیفہ) کے بارے یحییٰ بن معین نے کہا:
“محمد جہمی اور کذاب تھا۔”

② حسن بن زیاد اللؤلؤي

عربی عبارت:
«وَحَسَنُ اللُّؤلُؤِي كَذَّابٌ».
حوالہ: تاريخ ابن معين، رواية الدوري (1765)

ترجمہ: یحییٰ بن معین نے کہا:
“حسن لؤلؤی کذاب ہے۔”

③ نوح بن أبي مريم (أبو عصمة)

عربی عبارت:
سَأَلْتُ يَحْيَى عَنْ نُوحِ بْنِ أَبِي مَرْيَمَ الخُرَاسَانِي، فَقَالَ:
«لَيْسَ بِثِقَةٍ».
حوالہ: تاريخ ابن معين، رواية ابن محرز

ترجمہ: میں نے یحییٰ سے نوح بن ابی مریم خراسانی کے بارے میں پوچھا تو فرمایا:
“وہ ثقہ نہیں ہے۔”

④ يوسف بن خالد السَّمْتي

عربی عبارت:
سَمِعْتُ يَحْيَى يَقُولُ:
«يُوسُفُ بْنُ خَالِدٍ السَّمْتِي زِنْدِيقٌ كَذَّابٌ، لَا يُكْتَبُ عَنْهُ شَيْءٌ».
حوالہ: تاريخ ابن معين، رواية الدوري (3556)

ترجمہ: یحییٰ بن معین نے کہا:
“یوسف بن خالد سمتی زندیق اور کذاب ہے، اس سے کچھ بھی روایت نہیں لکھی جائے گی۔”

⑤ خالد بن سليمان البلخي

عربی عبارت:
قَالَ يَحْيَى:
«أَبُو مُعَاذٍ البَلْخِي ضَعِيفٌ».
حوالہ: الكامل في ضعفاء الرجال (603)

ترجمہ: یحییٰ بن معین نے کہا:
“ابو معاذ بلخی (خالد بن سلیمان) ضعیف ہے۔”

⑥ مندل بن علي العِزِّي الحنفي

عربی عبارت:
سَمِعْتُ يَحْيَى يَقُولُ:
«مِنْدَلٌ … فِيهِ ضَعْفٌ … لَيْسَ بِذَاكَ القَوِيِّ الشَّدِيد».
حوالہ: تاريخ ابن معين، رواية الدوري (3057)

ترجمہ: یحییٰ بن معین نے کہا:
“مندل میں ضعف ہے … وہ اتنا قوی اور مضبوط نہیں۔”

⑦ علي بن ظُبْيان

عربی عبارت:
«عَلِيُّ بْنُ ظُبْيَانَ لَيْسَ بِشَيْءٍ».
حوالہ: تاريخ ابن معين، رواية الدوري (1339)

ترجمہ: یحییٰ بن معین نے کہا:
“علی بن ظبیان کچھ بھی نہیں (بے اعتبار ہے)۔”

⑧ أبو مطيع الحكم بن عبد الله البلخي

عربی عبارت:
سَمِعْتُ يَحْيَى يَقُولُ:
«أَبُو مُطِيعٍ الخُرَاسَانِي لَيْسَ بِشَيْءٍ».
حوالہ: الكامل في ضعفاء الرجال (399)

ترجمہ: یحییٰ بن معین نے کہا:
“ابو مطیع خراسانی کچھ بھی نہیں (ناقابلِ اعتبار)۔”

⑨ أسد بن عمرو البَجَلي

عربی عبارت:
سُئِلَ يَحْيَى عَنْ أَسَدِ بْنِ عَمْرٍو، فَقَالَ:
«كَذُوبٌ، لَيْسَ بِشَيْءٍ، وَلَا يُكْتَبُ حَدِيثُهُ».
حوالہ: الكامل في ضعفاء الرجال (214)

ترجمہ: یحییٰ بن معین سے اسد بن عمرو کے بارے پوچھا گیا تو فرمایا:
“وہ بہت جھوٹا ہے، کچھ بھی نہیں، اور اس کی حدیث نہیں لکھی جائے گی۔”

⑩ قاضي أبو يوسف (يعقوب بن إبراهيم الأنصاري)

عربی عبارت:
سُئِلَ يَحْيَى بْنُ مَعِينٍ عَنْ أَبِي يُوسُف، فَقَالَ:
«لَا يُكْتَبُ حَدِيثُهُ».
حوالہ: الكامل في ضعفاء الرجال

ترجمہ: یحییٰ بن معین سے قاضی ابو یوسف کے بارے پوچھا گیا تو فرمایا:
“اس کی حدیث نہیں لکھی جائے گی۔”

نتیجہ

امام یحییٰ بن معین نے نہ صرف خود امام ابو حنیفہ کو “حدیث میں ضعیف” قرار دیا بلکہ ان کے مشہور تلامذہ اور اصحاب پر بھی شدید جرح کی — کسی کو کذاب، کسی کو زندیق، کسی کو ضعیف یا غیر معتبر کہا۔
یہی وجہ ہے کہ یحییٰ بن معین نے فرمایا کہ ہمارے اصحاب (محدثین) ابو حنیفہ اور ان کے ساتھیوں کو روایت میں نظرانداز کرتے ہیں۔

اہم حوالوں کے سکین