سوال

ایک امام نماز پڑھاتے ہوئے ایک رکعت میں رکوع کرنا بھول جاتا ہے اور اپنی طرف سے نماز مکمل کر کے سلام پھیر دیتا ہے۔ بعد میں مقتدیوں کے یاد دلانے پر اسے اپنی غلطی کا پتہ چلتا ہے۔ ایسی صورت میں کیا وہ پوری نماز دوبارہ پڑھائے یا پھر کیا کرنا ہوگا؟

جواب

الحمد لله، والصلاة والسلام علىٰ رسول الله، أما بعد!

ایسی صورت میں امام کو چاہیے کہ:

❀ وہ ایک رکعت دوبارہ پڑھائے۔
❀ اس کے بعد تشہد پڑھے۔
❀ پھر سلام سے پہلے سہو کے دو سجدے کرے۔
❀ اس کے بعد سلام پھیر دے۔

اس طرح اس کی نماز مکمل ہوجائے گی اور پوری نماز دوبارہ پڑھانے کی ضرورت نہیں ہوگی۔

دلیل

دوالیدین کی مشہور حدیث کے مطابق:
رسول اللہ ﷺ نے بھی اسی طرح باقی رہ جانے والی دو رکعت پڑھائی تھیں، نہ کہ پوری نماز دوبارہ شروع کی تھی۔
(بخاری، ترمذی، تحفۃ الاحوذی، ج ۱، ص ۳۰۷)

ھذا ما عندي واللہ أعلم بالصواب