اذان یا خطبہ کے دوران سلام کہنا جائز ہے؟ مکمل وضاحت

اذان یا خطبہ کے وقت السلام علیکم کہنا جائز ہے یا نہیں؟

سوال:

کیا اذان یا خطبہ کے دوران "السلام علیکم” کہنا جائز ہے یا نہیں؟

جواب:

الحمد لله، والصلاة والسلام علىٰ رسول الله، أما بعد!

◈ اگر کوئی شخص خطبے کے دوران "السلام علیکم” کہہ دے تو اس میں کوئی قباحت نہیں ہے۔
✿ اس کی وجہ یہ ہے کہ اس سلام کے جواب دینے سے خطبہ سننے میں کوئی رکاوٹ پیدا نہیں ہوتی۔
✿ مزید یہ کہ خطبے کے دوران اشارے سے بھی جواب دیا جا سکتا ہے، اور یہ بھی جواب ہی شمار ہوتا ہے۔

◈ جہاں تک اذان کے وقت "السلام علیکم” کہنے کا تعلق ہے،
✿ اس کے جواب میں بھی کوئی شک و شبہ کی گنجائش نہیں، کیونکہ اذان کے جواب دینے کا تذکرہ بھی موجود ہے۔
✿ اس سے اذان سننے میں کوئی فرق نہیں پڑتا کیونکہ مؤذن الفاظ کو کھینچ کر ادا کرتا ہے، اس لیے سننے والا اذان کا مکمل سماع کر سکتا ہے۔

وباللہ التوفیق