سوال :

درج ذیل آیت میں مرض سے مراد کیا ہے؟
❀ فرمان باری تعالی ہے:
﴿فِي قُلُوبِهِمْ مَرَضٌ فَزَادَهُمُ اللَّهُ مَرَضًا وَلَهُمْ عَذَابٌ أَلِيمٌ بِمَا كَانُوا يَكْذِبُونَ﴾
(البقرة: 10)
”ان کے دل میں بیماری ہے، اللہ تعالیٰ نے ان کی بیماری کو مزید بڑھا دیا، ان کے لیے درد ناک عذاب ہے، کیونکہ وہ جھوٹ بولتے ہیں۔“

جواب :

آیت مبارکہ میں بیماری سے مراد شک و نفاق ہے۔
❀ علامہ ابوالمظفر سمعانی رحمہ اللہ (489ھ) فرماتے ہیں:
أراد بالمرض الشك والنفاق بإجماع المفسرين.
”آیت مبارکہ میں مرض سے مراد شک اور نفاق ہے، اس پر مفسرین کا اجماع ہے۔“
(تفسير السمعاني: 48/1)