ماں کے پیٹ میں جنین کے تین اندھیروں سے کیا مراد ہے؟
سوال:
ماں کے پیٹ میں بچہ تین پردوں میں ہوتا ہے، اس سے کیا مراد ہے؟
الجواب:
الحمد لله، والصلاة والسلام علىٰ رسول الله، أما بعد!
ولا حول ولا قوة إلا بالله
قرآنِ کریم میں جنین (ماں کے پیٹ میں بچہ) کے تین اندھیروں میں ہونے کا ذکر آیا ہے۔ ان "تین اندھیروں” کی وضاحت مفسرین نے مختلف انداز میں کی ہے:
عبد اللہ بن عباس رضی اللہ عنہما کی تفسیر:
مشہور مفسر امام قرطبی کی روایت کے مطابق،
عبد اللہ بن عباس رضی اللہ عنہما فرماتے ہیں:
◈ پہلا اندھیرا: پیٹ کا اندھیرا
◈ دوسرا اندھیرا: رحم (یعنی بچہ دانی) کا اندھیرا
◈ تیسرا اندھیرا: وہ جھلی (membrane) جس میں بچہ لپٹا ہوتا ہے، اس کا اندھیرا
ابو عبیدہ کا قول:
ابو عبیدہ کے مطابق:
◈ پہلا اندھیرا: پیٹ کا اندھیرا
◈ دوسرا اندھیرا: رحم کا اندھیرا
◈ تیسرا اندھیرا: باپ کی پیٹھ کا اندھیرا
راجح (زیادہ معتبر) قول:
ان دونوں اقوال میں سے پہلا قول افضل اور راجح ہے، یعنی:
◈ پیٹ
◈ رحم
◈ جھلی
یہ تینوں وہ "پردے” یا "اندھیرے” ہیں جن میں بچہ ماں کے پیٹ میں پرورش پاتا ہے۔
ھذا ما عندي، واللہ أعلم بالصواب
2 Responses
السلام وعلیکم
میرا سوال ہے میں نے سکول کے زمانے میں جنابت کی حالت میں نماز اور قرآن مجید پڑھا ۔۔۔میں نے بہت بڑا کفر کیا ہے میں بہت شرمندہ ہوں اپنے گناہوں پر تو کیا اللہ تعالیٰ مجھے معاف کرلےگا رہنمائی فرمائیں
وعلیکم اسلام ورحمتہ اللہ، بھائی یہ کفر نہیں بلکہ ایک گناہ ہے۔ اپ توبہ استغفار کریں اور نیت کریں کہ دوبارہ ایسا نہیں کریں گے، ان شاء اللہ یہ گناہ ضرور معاف فرمائے گا۔ واللہ اعلم۔ زندگی میں توبہ کرنے پر بڑے سے بڑا گناہ بھی معاف ہو سکتا ہے۔
"اے میرے وہ بندو! جنہوں نے اپنی جانوں پر زیادتی کی ہے، اللہ کی رحمت سے مایوس نہ ہوؤ۔ بے شک اللہ سب گناہوں کو معاف کر دیتا ہے” (سورۃ الزمر، آیت 53)