ابو الدنیا کا بیان ہے کہ میں نے علی رضی اللہ عنہ کو یہ کہتے سنا کہ جب یہ آیت نازل ہوئی «وتعيها اذن واعية» اور اس کے کان اسے محفوظ رکھتے ہوں۔ تو نبی کریم صلی اللہ علیہ وسلم فرمایا اے علی رضی اللہ عنہ ! میں نے اللہ سے سوال کیا کہ وہ تیرے کان ایسے بنادے۔
[ميزان الاعتدال : 364/7 المغني : 783/2 وذكره المتقي الهندي فى الكنز 36562]
اس کا واضع ابو الدنیا الاشج ہے۔ اس نے 300ھ کے بعد یہ دعوی کیا کہ وہ حضرت علی رضی اللہ عنہ کی شاگردی میں رہا ہے۔ جس طرح رتن ہندی نے چھ سو سال بعد اپنے صحابی ہونے کا دعوی کیا۔ یہ سب افراد اپنے اپنے زمانہ کے دجال تھے۔ اس ابو الدنیاکی تمام روایات حضرت علی رضی اللہ عنہ سے متعلق ہیں کسی اور کی اسے خبر نہیں۔