سوال:

مولانا مودودی صاحب اور مفتی تقی عثمانی صاحب حفظہ اللہ کے قرآن کے تراجم کے بارے میں کیا رائے ہے؟

جواب از فضیلۃ العالم حافظ قمر حسن حفظہ اللہ ، فضیلۃ الباحث شہریار بن آصف حفظہ اللہ

ہمارے استاد شیخ الحدیث عبد السلام بن محمد رحمہ اللہ نے بتایا تھا کہ مولانا مودودی رحمہ اللہ کا ترجمہ تقریباً مکمل طور پر مولانا ابو الکلام آزاد کے ترجمے کی نقل ہے۔

مفتی تقی عثمانی صاحب حفظہ اللہ کا ترجمہ عام فہم ہے، تاہم میں نے اسے زیادہ تفصیل سے نہیں پڑھا۔

ہمارے شیخ مولانا اسلم شاہدروی صاحب حفظہ اللہ نے فرمایا تھا کہ اگر مولانا مودودی رحمہ اللہ کے ترجمے سے وہ الفاظ نکال دیے جائیں جن میں انہوں نے تاویلات کا سہارا لیا ہے، تو ان کا ترجمہ بہت مفید ہے۔ اسی طرح استاذ گرامی سعید مجتبیٰ سعیدی صاحب حفظہ اللہ سے بھی مولانا مودودی رحمہ اللہ کے ترجمے کی تعریف سنی ہے۔