سوال:

حسد، رشک اور حرص میں کیا فرق ہے ؟

جواب :

حسد
یہ ہے کہ آدمی اپنے بھائی پر کوئی نعمت دیکھے اور یہ تمنا کرے کہ وہ نعمت اس سے زائل ہو جائے اور مجھے مل جائے یا کم از کم وہ اس نعمت سے محروم ہو جائے۔
رشک:
رشک یہ ہے کہ انسان کسی پر کوئی نعمت دیکھے تو تمنا کرے کہ مجھے بھی اس جیسی نعمت مل جائے۔ رشک میں انعام یافتہ سے نعمت کے چھننے کی خواہش نہیں ہوتی۔ پہلی چیز (حسد) مذموم اور دوسری چیز (رشک) محمود ہے۔ اس پر نبی کریم صلى الله عليه وسلم کا فرمان دلالت کرتا ہے :
«لا حسد إلا فى الاثنتين»
”حسد (رشک) صرف دو آدمیوں سے ہو سکتا ہے۔“ [صحيح البخاري رقم الحديث 73، صحيح مسلم رقم الحديث 816]
حرص:
یہ ارادے کی شدت اور مطلوب کو پانے کی جستجو ہے، اس کی دو قسمیں ہیں:
➊ حرص فاجع
➋ حرص نافع
حرص فاجع: (باعث حسرت حرص) یہ ہے کہ آدمی دنیا کی حرص کرے۔ اس میں مشغول ہو اور اس کے لیے مصائب برداشت کرے، اس کی محبت سے اسے فراغت نہ ملے۔
حرص نافع : حرص نافع اللہ تعالیٰ کی محبت کی حرص اور اس کے ختم ہو جانے کا خوف۔ اس کو حرص نافع کہتے ہیں۔