سوال

ایک جگہ سے دوسری جگہ زکوٰۃ منتقل کرنے کے بارے میں کیا حکم ہے؟

جواب

الحمد لله، والصلاة والسلام علىٰ رسول الله، أما بعد!

◈ مصلحت کے پیش نظر، ایک شخص کے لیے یہ جائز ہے کہ وہ ایک مقام سے دوسرے مقام پر زکوٰۃ بھیجے۔
◈ اگر مستحق رشتہ دار کسی اور شہر میں مقیم ہیں، تو ان کی طرف زکوٰۃ کی رقم بھیجنے میں کوئی حرج نہیں۔
◈ اسی طرح اگر اپنے شہر کے لوگوں کی مالی حالت بہتر ہو، اور دوسرے شہر کے لوگوں کی مالی حالت کمزور ہو، تو اس دوسرے شہر کو زکوٰۃ کی رقم بھیجنا بھی جائز ہے۔
◈ البتہ، اگر ایک شہر سے دوسرے شہر زکوٰۃ کی رقم بھیجنے کی کوئی خاص مصلحت نہ ہو، تو پھر بہتر یہ ہے کہ زکوٰۃ کی رقم دوسرے شہر نہ بھیجی جائے۔

ھذا ما عندي والله أعلم بالصواب