پٹی پر مسح کرنے کا شرعی حکم

سوال:

پٹی پر مسح کرنے کے بارے میں کیا حکم ہے؟

جواب:

الحمد لله، والصلاة والسلام علىٰ رسول الله، أما بعد!

جبیرہ (پٹی) کی تعریف

◈ سب سے پہلے یہ جاننا ضروری ہے کہ "جبیرہ” کیا چیز ہے۔
◈ جبیرہ اُس شے کو کہتے ہیں جس کے ذریعے ٹوٹی ہوئی چیز کو باندھا جائے۔
◈ فقہاء کے نزدیک "جبیرہ” سے مراد وہ چیز ہے جو کسی ضرورت کے وقت طہارت کے مقام پر لگائی گئی ہو، مثلاً:

✿ وہ پلستر جو ٹوٹی ہوئی ہڈی پر لگایا گیا ہو۔

✿ یا وہ پٹی جو کسی زخم یا درد والی جگہ پر باندھی گئی ہو۔

پٹی پر مسح کرنے کا جواز

◈ ایسی صورت میں جب زخم پر پٹی باندھی گئی ہو، تو اس پٹی کو دھونا ضروری نہیں بلکہ اس پر مسح کرنا جائز ہے۔
◈ مثلاً اگر کسی شخص نے وضو کرتے وقت ضرورتاً زخم پر پٹی باندھی ہو، تو:

✿ وہ اس پٹی کو دھونے کے بجائے اس پر مسح کرے گا۔

✿ یہ عمل طہارت کو مکمل کر دے گا۔

پٹی اتارنے کے بعد طہارت کا حکم

◈ اگر کسی شخص نے وضو کے دوران پٹی پر مسح کیا ہو اور بعد میں اس پٹی کو اتار دے، تو:

✿ اس کی طہارت برقرار رہے گی۔

✿ اس لیے کہ طہارت شرعی اصولوں کے مطابق مکمل کی گئی تھی۔

✿ کوئی ایسی دلیل موجود نہیں ہے جو یہ ثابت کرے کہ پٹی کے اتارنے سے وضو یا طہارت ختم ہو جاتی ہے۔

احادیث کا جائزہ

◈ پٹی پر مسح کے بارے میں جو احادیث ملتی ہیں، وہ سب ضعیف ہیں۔
◈ تاہم بعض اہل علم کا کہنا ہے کہ:

✿ اگرچہ انفرادی طور پر یہ احادیث ضعیف ہیں، لیکن مجموعی طور پر ان سے استدلال کیا جا سکتا ہے۔

◈ دوسری طرف کچھ علماء کا موقف یہ ہے کہ:

✿ ضعیف احادیث ہونے کی وجہ سے ان سے استدلال نہیں کیا جا سکتا۔

اہل علم کا اختلاف

◈ علماء کے درمیان اس مسئلہ میں اختلاف پایا جاتا ہے:

✿ کچھ کا کہنا ہے کہ پٹی والی جگہ پر طہارت ساقط ہو جاتی ہے، کیونکہ وہ مقام دھونے کے قابل نہیں ہے۔

✿ کچھ علماء کا کہنا ہے کہ صرف تیمم کافی ہے اور مسح کرنا ضروری نہیں۔

راجح (زیادہ صحیح) موقف

◈ ان تمام اقوال کو دیکھتے ہوئے زیادہ صحیح قول یہ ہے کہ:

✿ مسح کرنا جائز ہے اور یہی عمل تیمم کی ضرورت کو ختم کر دیتا ہے۔

✿ یعنی اگر مسح کر لیا جائے تو تیمم کی کوئی حاجت باقی نہیں رہتی۔

زخم کے مختلف حالات اور ان کا حکم

مسئلہ کی وضاحت کے لیے زخم کی تین ممکنہ صورتیں اور ان کا حکم درج ذیل ہے:

➊ زخم ننگا ہو اور دھونا نقصان دہ نہ ہو:

✿ ایسی صورت میں اسے دھونا واجب ہوگا، بشرطیکہ وہ مقام ایسا ہو جسے دھونا واجب ہوتا ہے۔

➋ زخم ننگا ہو اور دھونا نقصان دہ ہو، لیکن مسح کرنا ممکن ہو:

✿ اس صورت میں مسح کرنا واجب ہوگا۔
✿ دھونا واجب نہیں ہے۔

➌ زخم چھپا ہوا ہو اور اس پر پٹی یا پلستر بندھی ہو:

✿ ایسی صورت میں اس پر مسح کیا جائے گا۔
✿ یہ مسح کرنا دھونے یا تیمم کرنے کی ضرورت کو ختم کر دیتا ہے۔

ھذا ما عندي والله أعلم بالصواب