سوال

ایسے کاغذات جن پر اللہ تعالیٰ کا نام درج ہو، ان کو حمام میں لے جانا کیسا ہے؟ کیا یہ جائز ہے؟

جواب

الحمد لله، والصلاة والسلام علىٰ رسول الله، أما بعد!

ایسے کاغذات جن پر اللہ تعالیٰ کا نام لکھا ہوا ہو، ان کو حمام میں لے جانا جائز ہے، بشرطیکہ:

✿ وہ کاغذات جیب میں رکھے ہوں۔
✿ وہ ظاہر نہ ہوں، یعنی باہر سے نمایاں نہ ہوں۔
✿ وہ چھپے ہوئے اور ڈھکے ہوئے ہوں، تاکہ ان کی بے حرمتی نہ ہو۔

یہ بات اس لیے قابل غور ہے کہ اکثر مسلمانوں کے نام ایسے ہوتے ہیں جن میں اللہ کا نام شامل ہوتا ہے، مثلاً:

✿ عبداللہ
✿ عبدالعزیز
وغیرہ۔

ایسے نام کاغذات پر درج ہوتے ہیں اور اکثر یہ کاغذات جیب میں رکھے ہوتے ہیں، اس لیے ان کو حمام میں لے جانا اس صورت میں درست ہے جب کہ وہ چھپے ہوئے ہوں اور ظاہر نہ ہوں۔

ھذا ما عندي والله أعلم بالصواب