فرض نماز کے بعد آیت الکرسی پڑھنے کی فضیلت

کیا ہر نماز کے بعد آیت الکرسی پڑھ کر جنت میں جانے والی حدیث کی سند درست ہے؟

سوال:

کیا ہر فرض نماز کے بعد آیت الکرسی پڑھنے کے متعلق جو حدیث جنت میں داخلے کی بشارت دیتی ہے، اس کی سند صحیح ہے؟ (ایک سائل)

جواب:

الحمد لله، والصلاة والسلام علىٰ رسول الله، أما بعد!

امام نسائی رحمہ اللہ نے اپنی دو کتب میں یہ حدیث نقل کی ہے:

◈ السنن الکبریٰ (حدیث 9928)
◈ عمل الیوم واللیلہ (حدیث 100)

ان کتب میں مروی ہے کہ:

قال رسول الله ﷺ:
"من قرا آية الكرسي في دبر كل صلوة مكتوبة لم يمنعه من دخول الجنة الا ان يموت”

یعنی:
"جو شخص ہر فرض نماز کے آخر میں (یعنی اس کے بعد) آیت الکرسی پڑھتا ہے، اسے جنت میں داخل ہونے سے صرف موت ہی روک سکتی ہے۔”

حدیث کی صحت:

◈ اس حدیث کی سند حسن ہے۔
◈ ابن حبان رحمہ اللہ نے بھی اس حدیث کو صحیح قرار دیا ہے۔

دیکھئے:
📚 اتحاف المہرۃ (جلد 6، صفحہ 259، حدیث نمبر: 648)
📆 شہادت: اکتوبر 1999

ھذا ما عندي واللہ أعلم بالصواب