سوال

خطبہ جمعہ کے لیے آنے والا دو رکعتیں پڑھے

اصحاب رسول ﷺ جب بھی خطبہ جمعہ کے وقت مسجد میں آتے تھے تو اصحاب رسول دو رکعت پڑھ کر بیٹھتے تھے حدیث سے ثابت کریں! (ماسٹر فضل دیوبندی، بذریعہ ثناء اللہ مکی ۔ گوجرانوالہ)

جواب

الحمد لله، والصلاة والسلام علىٰ رسول الله، أما بعد!

جمعہ کے دن دو رکعتیں پڑھنے کی حدیث سے دلیل

سیدنا جابر رضی اللہ عنہ سے روایت ہے:

جمعہ کے دن نبی ﷺ خطبہ دے رہے تھے کہ ایک آدمی مسجد میں داخل ہوا۔

آپ ﷺ نے فرمایا:
"هل صليت؟”
اس نے کہا: "نہیں”
آپ ﷺ نے فرمایا:
"إذا جاء أحدكم يوم الجمعة والإمام يخطب فليركع ركعتين"
(صحیح مسلم: 57/875 والفظ لہ وصحیح بخاری :1166)

صحابہ کرام کی عملی مثال

سیدنا ابو سعید الخدری رضی اللہ عنہ:

جمعہ کے دن آئے، مروان (بن الحکم) خطبہ دے رہے تھے۔

آپ نے چوکیداروں کی مخالفت کے باوجود نماز پڑھی۔

(سنن الترمذی :511 وقال :” حدیث حسن صحیح ” ومسند الحمیدی : 741)

اجمالی حکم

اس سے معلوم ہوا کہ صحابہ کرام خطبہ جمعہ کے وقت دو رکعتیں پڑھ کر بیٹھے تھے۔

کسی ایک صحیح روایت سے بھی یہ ثابت نہیں کہ خطبہ جمعہ کے وقت کوئی صحابی مسجد میں آیا ہو اور دو رکعتیں پڑھے بغیر بیٹھ گیا ہو۔
(الحدیث:16)

وماعلينا إلا البلاغ

ھذا ما عندي واللہ أعلم بالصواب