سوال:

کیا دورانِ نماز سامنے چولہا جلا کر نماز پڑھی جا سکتی ہے؟

وضاحت:

آج جمعہ کے بعد ایک نمازی نے کہا کہ یہ عمل مجوسیوں کی مشابہت ہے۔ اس حوالے سے رہنمائی درکار ہے۔

جواب از فضیلۃ الشیخ عبد الوکیل ناصر حفظہ اللہ

ترکِ اولی:

یہ عمل ترک اولی (یعنی بہتر ہے کہ اس سے بچا جائے) کے زمرے میں آتا ہے۔

نماز کی صحت:

اگر کوئی شخص چولہے کے سامنے نماز پڑھ لے تو اس کی نماز صحیح ہے اور اس کو دوبارہ پڑھنے کی ضرورت نہیں ہے۔

اہلِ علم کی آراء:

کبار اہل علم نے اس عمل کو مکروہ قرار دیا ہے اور اس سے اجتناب کی ہدایت کی ہے تاکہ شبہات سے بچا جا سکے اور مجوسیوں کی مشابہت سے دور رہا جا سکے۔