ماخوذ:ماہنامہ الحدیث، حضرو
تین قسم کے لوگ
سید نا ابوذر رضی اللہ سے روایت ہے کہ نبی کریم صلی اللہ علیہ وسلم نے فرمایا:
’’تین ( قسم کے لوگ ایسے ) ہیں جن سے اللہ تعالیٰ کلام نہیں کرے گا ، روز قیامت ان کی طرف دیکھے گا ( بھی ) نہیں، انھیں ( گناہوں سے ) پاک نہیں کرے گا اور ان کے لیے درد ناک عذاب ہوگا ۔ آپ نے یہ تین بار فر ما یا ۔ ابوذر رضی اللہ عنہ نے کہا: وہ لوگ) ناکام ہوئے اور نقصان سے دو چار ہو گئے ۔ اے اللہ کے رسولﷺ ! یہ کون ہیں؟ آپﷺ نے فرمایا:
’’اپنا ازار (کپڑا ٹخنوں سے) نیچے لٹکانے والا ، احسان جتانے والا اور جھوٹی قسم سے اپنے سامان کی مانگ بڑھانے والا۔‘‘
(صحیح مسلم : ۱۰۶)